La plataforma pola térmica d'Avilés convoca una concentración de protesta

"Esti vienres entamaron los llabores definitivos de demolición de l'antigua central térmica d'Ensidesa - Avilés, que la sociedá Infoinvest quier terminar bien llueu pa disponer del suelu qu'ocupa l'edificiu y amestalu al polígonu industrial d'Avilés. La maquinaria pesao entamó a tirar muries y tarazar los sistemes de cañeríes de la central de 1950, qu'una plataforma cívica pide que nun se derribe y que se reconvierta pa usos culturales, como prometiere nel so día la Conseyera de Cultura.

En protesta pol entamu del derribu, la plataforma ""'Salvemos la Térmica"" convoca pal próximu xueves 18 de xineru na plaza Campusagráu d'Avilés una concentración cola que quier espresar énte les autoridaes y poderes particulares la voluntá de los avilesinos por caltener el patrimoniu industrial local. La concentración ta prevista pa les 19,30 hores y con ella los manifestantes quieren demostrá-yos a los dirixentes políticos que ""la opinión del pueblu estrémase de la que los que tienen el gobiernu nel so nome""."