La emigración moza asturiana aconceya en Chile

"Viña del Mar, en Chile, va ser la sede del ""II Alcuentru de la Mocedá Asturiana del Conu Sur"", nel que van participar más de cien mozos y moces provenientes d'once centros asturianos del Conu Sur americanu. L'alcuentru va celebrase dende esti xueves día 18 de xineru hasta'l domingu 21, y nelli va xugar un papel central la xeneración de fíos y nietos d'emigrantes asturianos que, con nun ser asturianos de nacimientu, reivindiquen la so rellación cola cultura asturiana y pertenencia a Asturies.

De fechu, nel trescursu del Alcuentru va constituyise la ""I Asamblea de l'Asturianía Americana Moza"", primera asociación qu'axunta a los emigrantes asturianos d'estes característiques del continente. L'alcuentru de Chile va incluyir ponencies sobre programes de movilidá ente estudiantes o los derechos de los asturianos de adopción, amás de la mesma supervivencia y relevu xeneracional de los centros asturianos. L'axenda d'actividaes a desarrollar inclúi una muestra de folclore asturianu."