La Xunta Pola Defensa de la Llingua Asturiana prepara los premios "Andrés Solar"

La Xunta Pola Defensa de la Llingua asturiana va celebrar esti sábadu 20 de xineru, l’actu d’entrega de los XXII Premios Andrés Solar. L’acontecimientu va entamar a les 19.30 nel Salón d’Actos del Antiguu Institutu Xovellanos de Xixón. Nel trescursu del mesmu, el grupu musical Felpeyu va recibir el “Pegollu” premiu positivu col que la Xunta quier reconocer el llabor pol asturianu de tol ámbitu de la música n’asturianu. La versión negativa d’estos premios, el Madreñazu, ye n’esta edición pal presidente Vicente Álvarez Areces. Na ceremonia va haber tamién un espaciu pa la música en directu cola actuación del cantautor Pedru Pereira. Como ye vezu, n’acabando la entrega de premios, la Xunta tien entamada una espicha. P’apuntase a la espicha pue contactase nel corréu info@exunta.org.