Apruébense los cambios nel serviciu nocherniegu d'autocares, que va vese reforciáu nesti 2019

Potencia la nueche de los vienres y feches concretes, como Nuechebona o Nuechevieya, a partir de la 1 de la madrugada.

El conseyu d'alministración del Consorciu de Tresportes d'Asturies (CTA) aprobó ayeri la rede base y l'ampliación de los servicios nocherniegos, los denominaos autocares ‘búho’ en castellanu, que nel 2018 tresportaron a 157.746 usuarios, un 2 por cientu más que l'añu anterior. Los horarios actuales, tres los ameyoriamientos fechos, son los siguientes:

• Llinia Piedrasblancas-Avilés-Piedrasblancas circular (CTEA): Dende les 23 hasta les 5 hores, cada hora, y a les 6 hores l'últimu serviciu hasta Los Campos, los vienres nueche, sábadu nueche, Nuechebona, Nuechevieya y Reis.
• Llinia Uviéu-Mieres (Transportes Bimenes y Alcotán): 00.05, 2.05 y 5.05 hores, con salida d'Uviéu, y 00.30, 2.30 y 5.30 hores, de Mieres, los vienres nueche, sábado nueche y Nuechevieya.
• Llinia Uviéu-Sama (Alcotán y Transportes Bimenes): 1, 4 y 6 hores, con salida d'Uviéu y 23.30, 1.30 y 4.30 hores, de Sama, los vienres nueche, sábadu nueche y Nuechevieya.
• Llinia Uviéu-Xixón-Uviéu (Ebrobus): Dende les 23.30 hasta les 6.30 hores cada hora, con salida d'Uviéu, y dende les 23 hasta les 6 hores, de Xixón, tamién cada hora, los vienres nueche, sábadu nueche y Nuechevieya.
• Llinia Avilés-Uviéu-Avilés (Ebrobus): Dende la 23 hasta les 6 hores cada hora, con salida d'Avilés, y dende les 23.30 hasta les 6.30 d'Uviéu, tamién cada hora, los vienres nueche, sábadu nueche y Nuechevieya.
• Llinia Lluanco-Xixón (Automóviles Luarca): Dende la 23.30 hasta les 6.30 hores cada hora, con salida de Lluanco, y dende les 23 hasta les 6 hores de Xixón, tamién cada hora, los vienres nueche, sábadu nueche y Nuechevieya.
• Llinia Avilés-Xixón-Avilés (Automóviles Luarca): Dende les 23.30 hasta les 06.30 hores cada hora, con salida de Xixón, y dende les 23 hasta les 6.00 hores d'Avilés, tamién cada hora, los vienres nueche, sábadu nueche y Nuechevieya.
• Llinia Uviéu-La Pola Siero (Automóviles Luarca): Dende la 23 hasta les 6 hores cada hora, con salida d'Uviéu, y dende les 23.30 hasta les 6.30 hores de La Pola Siero, tamién cada hora), los vienres nueche, sábadu nueche y Nuechevieya.

Amás, ameyórense los siguientes servicios, incluyendo los qu'operen en Nuechevieya, a partir de la 1:

• Llinia Uviéu-La Fresneda-Posada (Autocares Hortal): Dende les 00 hasta les 06 hores cada dos hores, con salida d'Uviéu, y dende les 23 hasta les 5 hores de Posada, tamién cada dos hores, los vienres nueche, sábadu nueche y Nuechevieya.

A lo último, va potenciase l'autocar nocherniegu ente Villa y Llaviana, que tamién va circular en Nuechebona, a partir de la 1 de la madrugada:

• Llinia Villa-La Pola Llaviana (Consorcio del Nalón): dende les 23.45 hasta les 05.45 hores cada hora y media, con salida de Villa, y dende les 23 hasta les 5 hores de La Pola Llaviana, tamién cada hora y media, los vienres nueche, sábadu nueche, viéspores de festivos (incluyendo Reis), Nuechebona y Nuechevieya, nestes dos últimes con servicios cada 45 minutos.

De manera adicional, considerando les numberoses fiestes y eventos que se celebren en feches variables cada añu, podrá estendese la rede d'autocares nocherniegues a aquelles que resulten de mayor interés, acordies con la so capacidá de convocatoria, bien adaptando los servicios esistentes o enllantando otros de calter ocasional.