La conceyala de mediu ambiente de Xixón contradiz a los ecoloxistes sobre la contaminación nel conceyu

"La conceyala de Mediu Ambiente de Xixón Dulce Gallego, fizo de menos la valoración que ficiere pública esta selmana la Coordinadora Ecoloxista sobre la contaminación atmosférica nel conceyu. Pa Dulce Gallego, la valoración de los datos de contaminación atmosférica que faen los ecoloxistes ye ""parcial"" asegurando que los datos atmosféricos ""tán dientro de los niveles permitíos"".

Dulce Gallego afirmó que la calidá del aire na ciudá meyoró de va dellos años p'acá y aseguró que ""los equipos qu'utiliza la Coordinadora nun tán calibraos y puen dar nun momentu una cifra y dempués otra, polo que los datos son temporales, amás de que nun tán validaos"". Pa la conceyala, los altos índices de partícules en suspensión sobre los que prendía l'alarma la Coordinadora, ""débense en parte a la erosión marina, polo que nun se puen rellacionar dafechu cola contaminación"". En declaraciones a un periódicu asturianu, la conceyala acusó a los ecoloxistes de ""querer renunciar a la base industrial del conceyu""."