Los sindicatos piden qu'aconceye l'Institutu Asturianu de Riesgos Llaborales con calter d'urxencia

"Los sindicatos UXT y CC.OO pidiéron-y formalmente a la Xunta Rectora del Institutu Asturianu de Riesgos Llaborales que convoque una reunión d'urxencia p'analizar l'actual situación de siniestralidá llaboral n'Asturies, que ""prendió toles alarmes sociales"" dempués de rexistrase cinco accidentes mortales nel puestu de trabayu nos primeros díes del añu 2007.

Con motivu de la muerte ayeri del trabayador Darío Zarauza, de 41 años, que cayó dende una altura de más de venti metros nuna nave del Polígonu Industrial d'Avilés, los sindicatos convocaron pa esti vienres una nueva concentración de protesta a les 12 de la mañana n'Uviéu, nel cruce de Santa Teresa cola Avenida Galicia.

El 3 de xineru, un tresportista que cayó de la cuba del camión mientres trabayaba na central térmica de La Ribera iabrió la llista de muertes n'accidente llaboral nesti 2007. El día dempués, una carretilla llevaba per delantre a un operariu n'Asturiana de Zinc. Un profesor de la Universidá d'Uviéu qu'apeció muertu en despachu y un trabayador que tuvo un accidente mientres reparaba la traida del agua en Cuideiru foron los siguientes fallecíos en puestu de trabayu nesti 2007 que presenta unos permalos datos de seguridá llaboral, ello dempués de que nel 2006 se rexistraren 39 muertos n'accidente de trabayu."