El BNG propón que Galicía apaeza como "nación" n'antoxana del estatutu gallegu

"Cola reforma del estatutu asturianu allancada hasta en pasando les elecciones del mes de mayu, les comunidaes autónomes de la nuestra redolada entainen colos sos procesos de reforma. Ye'l casu de Galicia, onde siguen los contactos con vistes a la reforma y onde la formación nacionalista Bloque Nacionalista Galego entregó-yos esta selmana a socialistes y populares una propuesta de reforma nueva distinta de la que presentare va dellos meses. La propuesta del BNG pide'l reconocimientu de Galicia como nación n'antoxana del estatutu, falando de ""nacionalidá"" nel articuláu, y define'l gallegu como ""llingua propia y oficial de Galicia que tolos gallegos y gallegues tienen el deber de conocer y el derechu d'emplegar"", amestando darréu que ""el castellanu ye tamién llingua oficial en Galicia"". La intención de BNG y los demás partíos representaos en parlamentu gallegu ye llograr un alcuerdu base enantes de la reunión que van tener el presidente Touriño y el restu de líders políticos gallegos el próximu día 17.
Más información en Vieiros y La Voz de Galicia"