El xuiciu contra Cándido y Morala va celebráse’l 30 de xineru

"El Xulgáu de lo Penal númberu 1 de Xixón apautó la fecha del 30 de xineru pal xuiciu contra los dirixentes de la Corriente Sindical d'Izquierdes Cándido González Carnero y Juan Manuel Martínez Morala, pa los que'l fiscal pide 6 años y mediu de presidiu polos daños materiales causaos nes movilizaciones del sector naval del añu 2005, nes que se responsabiliza a los acusaos del estrozu d'una cámara de control del tráficu y de la quema d'una furgoneta .

Cola vista puesta pa entamar a les 11:00 hores nel Palaciu de Xusticia de Xixón, la dirección de CSI va aconceyar cola ""Plataforma contra la represión y poles llibertaes"" pa preparar acciones de protesta contra'l xuiciu a los dos conocíos sindicalistes. Esta plataforma, que se formare en conocíendose los cargos contra los sindicalistes y na que participen más de trenta colectiivos y organizaciones, organizó'l pasáu mes de payares una manifestación en Xixón na que miles de persones pidieron que se retiraren los cargos contra Cándido y Morala.

La plataforma asegura que tres del xuiciu a Cándido y Morala hai un intentu de ""criminalizar a los trabayadores"" y que ""ye evidente que l'astilleru de Naval Xixón ye una ""estorbisa pal Acuariu y pa los planes d'urbanizacion del Conceyu"". Pela so parte, el Comité d'Empresa de Naval Xixón, afirma que los sindicalistes nun participaron nos fechos polos que se-yos acusa."