Asturies llevaría 295 millones de los Presupuestos Xenerales del Estáu del PSOE

Los del PP del añu pasáu llegaben a los 215.

Esto supón un aumentu del 27 con respeuto a los Presupuestos Xenerales del Estáu (PXE) del 2018, que Pedro Sánchez respetó a la so llegada al Gobiernu. La mayor inversión torna a ser pa la variante de Payares, que lleva 114,16 millones sumando los trabayos de la vertiente asturiana y lleonesa, lo que permitiría finar la obra pal añu qu'entra.

L'autovía a La Espina llevaría una partida de 20 millones, los accesos a El Musel dende Veriña 13 y los nuevos al Puertu d'Avilés 600.000, siendo'l total de carreteres 77. L'aeropuertu recibiría 3,3 millones.

Nel aire

La cantidá total de los PXE del 2019 algama una inversión de 16.947,23 millones, 2.000 mil que los anteriores. La so aprobación ta nel aire, yá que'l PSOE necesita l'apoyu de los nacionalistes pa sacalos alantre, amás del de Xuníos Podemos, nun principiu previstu anque non definitivu.

Na semeya, la ministra de Facienda María Jesús Montero –segunda pela izquierda– ayeri a la entrada del Congresu pa presentar l'anteproyeutu de los PXE.