Air Asturias suspende vuelos con Lisboa y Madrid por causa de la baxa demanda

"La compañía d'aviación de capital asturianu Air Asturias suspendió esta selmana diez servicios ente Asturies, Lisboa y Madrid énte la falta de demanda para llenar los aviones. Nun se sabe si les suspensiones de vuelos van ser temporales o si la empresa va desaniciar servicios de manera definitiva, a la espera de que la empresa renegocie los ""slots"" de vuelos pa consiguir meyores horarios.

Los vuelos suspendíos son los servicios ente Asturies y Lisboa del martes y el xueves y los vuelos con Madrid - Barajas del martes, miércoles y xueves sacantes el de les 20,20 h con retornu dende Madrid a les 23,20h. Fontes de la empresa esplicaron que quieren llograr un enllaz con Madrid a primer hora de la mañana, en cuantes que-yos resulta difícil llenar el vuelu de primer hora de la tarde que tienen agora. Ello débese a qu'a los viaxeros que van a la capital española nun-yos rinde'l día con esti horariu, según interpreta la compañía, lo que lleva a que nun s'enllenen los aviones. No tocante a l'enllaz con Lisboa, la empresa reconoz que tien ""poca rentabilidá"", dalgo qu'afecta a los demás destinos europeos de la compañía y que rellacionó cola falta de promoción d'Asturies nel esterior."