Andalucía va votar el so estatutu'l 18 de febreru

"Mientres n'Asturies la reforma del estatutu d'autonomía va retrasase hasta la próxima llexislatura, Andalucía prepárase pa votar el so estatutu d'autonomía nuevu nun referéndum que va tener llugar el próximu 18 de febreru, una fecha que separta la votación del estatutu de les elecciones a conceyos n'Andalucía. L'oxetivu que se marca'l gobiernu andaluz ye'l de superar el 53% de participación que se rexistró nel referéndum en que se-y dio'l preste popular al actual estatutu, nel añu 1981. Pa ello, el presidente andaluz Manuel Chaves, pidió-yos a los partíos que nun faigan del referéndum estatutariu un campu de confrontación política.

El nuevu testu estatutariu andaluz define a Andalucía como ""realidá nacional"" ampliando la definición de ""nacionalidá"" que yá-y concedía l'actual estatutu, pero ello ye que l'estatutu acuta tamién un artículu pa la promoción de la fala andaluza. Asina diz el separtáu 3b del artículu 10 del estatutu que fala de ""oxetivos de la comunidá andaluza"" y qu'especifica que ""La defensa, promoción, estudiu y prestixu de la modalidá llingüística andaluza en toles sos variedaes"" ye ún d'estos oxetivos.
Más información en Diario Sur"