El tren de la guerra, nel muséu del Ferocarril de Xixón

El Muséu del Ferrocarril de Xixón agospia hasta'l mes d'abril una interesante, esposición sobre'l papel del ferrocarril nel desarrollu de la guerra n'Asturies, abarcando dende mediaos del sieglu XIX hasta la revolución de 1934 y la Guerra Civil, que, lóxicamente, son los exes de la esposición. Semeyes, correspondencia rellacionao colos gastos de reconstrucción de les infraestructures dañaes na guerra y otros documentos recueyen la importancia que tuvieron les estremaes llinies de tren na configuración de los frentes de guerra. Asina, vese por exemplu, como nel 34 los revolucionarios quixeron imitar l'usu que fexeren d'esti mediu de tresporte les revoluciones rusa y mexicana, dalgo que se demostró que nun yera aplicable a la particular rede asturiana de ferrocarriles.

Amás de lo que ye puramente historia bélico, la esposición intenta afondar na parte más social y económica del ferrocarril, espeyando tamién como les autoridaes del bandu repúblicanu desarrollaron na parte que controlaben de los ferrocarrilles, un esperimentu de xestión pública conxunta de lo que yeren compañíes particulares.