L'Atlas Sonoru de la Llingua Asturiana preséntase n'Uviéu

"El local de la Xunta Pola Defensa de la Llingua Asturiana ""La Casa Posafuelles"" asitiáu na Cai La Cuesta la Vega d'Uviéu va acoyer esti miércoles 10 de xineru, a les 21 hores la presentación del III Volume del Atlas Sonoru de la Llingua Asturiana, cola participación de los investigadores Fernando Ornosa y Xosé ""Ambás"", responsables del volume.

L' Atlas Sonoru de la Llingua Asturiana ye un trabayu enciclopédicu que recueye en formatu de llibru y CD casos de falantes d'asturianu de tolos llugares d'Asturies cuntando vivencies personales y hestories tradicionales qu'amuesen tola bayura del idioma. Esta tercer entrega correspuéndese colos conceyos de L.lena, Riosa, Morcín, Mieres y Ayer.

El primer volume del atlas, asoleyáu nel 2003 presentaba grabaciones de los conceyos d'Ibias, Degaña, Cangas del Narcea, Tinéu, Allande, Miranda y Somiedu, mientres que'l segundu, presentáu a últimos del 2004, encargábase de los conceyos de Miranda, Grau, Tameza, Teberga y Quirós. El proyectu del Atles nun va completase hasta que s'ellaboren polo menos otros tres volúmenes."