La conseyería entama una serie de publicaciones sobre l'agricultura ecolóxico

"La directora xeneral d'Agroalimentación Tomasa Arce, presentó ayeri un llibru sobre agricultura ecolóxico empobináu a les escueles asturianes que s'ufierta como un ""recursu de formación en sensibilidá pa la reciella"" xunto con un llibru pa estudiantes de secundaria nel que se ta trabayando, lo mesmo que van asoleyase guíes específiques pa los productores qu'estudien monográficamente la ganadería, l'agricultura o'l miel ecolóxico.

Tomasa Arce recordó que n'Asturies l'agricultura ecolóxico crez adulces pero a un ritmu muncho más lentu que'l comunidaes autónomes"". Arce esplicó que'l númberu d'agricultores pasó de 34 a 94 y el d'hectárees de 73 a 2.400, una superficie que ""nun ye abonda"". La directora sorrayó qu'un de los factores qu'influyen nel pocu crecimientu del sector de l'agricultura ecolóxico ye'l que bien de la tierra que valdría pa ello ta tomao por esplotaciones ganaderes de lleche. La directora fizo referencia a les especies de ""yerba malo""· como artos, paniegues y otres que faen más abegoso trabayar l'agricultura ecolóxico, que nun almite l'usu d'herbicida, como otru factor que torgaba'l so espardimientu y comentó que los profesionales que se dediquen a esti sector reconocen qu'hai más demanda en mercáu de la qu'ellos puen atender, polo que convidó a los agricultores a entrar nel mundu de lo ecolóxico."