Concentración n'Uviéu contra la siniestralidá en trabayu

"Los sindicatos UXT, CC.OO., USO y CXT celebraron esti llues 8 de xineru una concentración n'Uviéu en protesta pola muerte de trés trabayadores n'accidente llaboral n'Asturies nos cuatro primeros díes del añu. Los representantes sindicales y concentraos guardaron cinco minutos de silenciu y ficieron un llamáu a la meyora de les condiciones de seguridá llaboral n'Asturies.

El responsable de seguridá llaboral de CCOO Jeremías Dos Santos alvirtió que ""los intensos ritmos de trabayu y la falta de rigor na vixilancia de la salú tán provocando un repunte de la siniestralidad llaboral n'Asturies"" y llamentó que, dempués d'un 2006 qu'acabó con datos mui negativos no tocante a seguridá llaboral y con 39 persones fallecíes n'accidente de trabayu, el 2007 ""entame coles peores anuncies que podíen dase"". Un trabayador de la térmica de La Ribera, un profesor de la Universidá d'Uviéu qu'apeció muertu nel so despachu y un operariu d'Asturiana de Zinc son les trés primeres víctimes de la siniestralidá llaboral nel 2007, ello nun momentu en que, como sorrayó'l sindicalista ""contamos con lleis y instrumentos curiosos pa combatir la siniestralidá llaboral"". Pela so parte, la secretaria de salú llab"