Gil va ser la candidata de Podemos nes eleiciones

L'actual covocera parllamentaria ganó les primaries con un 78 por cientu de los votos.

La candidatura Asturies 2019, na que s'alcuentren Xune Elipe y Rafa Palacios, con Lorena María Gil como cabezalera, foi la más votada nes primaries pa la llista de les eleiciones a la Xunta Xeneral del 26 de mayu del añu qu'entra. D'esta forma la diputada xixonesa, llicenciada en Filoloxía Inglesa pola Universidá d'Uviéu y en Ciencies Polítiques pola UNED, va liderar a Podemos pa les Nacionales.

La llista alternativa, Agora Dende Abaxu, con Héctor Gómez como candidatu, llogró 529 votos (22 por cientu) polos 1.871 d'Asturies 2019 (78 por cientu). La participación foi de 2.457 votos, el 63 por cientu de les 3.895 persones verificaes en Podemos.

No que se refier a les candidates y candidatos pal cuerpu de la llista pa les eleiciones, que se vota de forma independiente col formatu de llistes abiertes, el diputáu y secretariu xeneral, Daniel Ripa, foi la persona con más sofitos, con 72.928 puntos, siguíu pola diputada pola circunscripción oriental, Paula Valero (70.458 puntos); la conceyala de Xixón Sí Puede y covocera de Podemos Asturies, Nuria Rodríguez (70.139 puntos); y el diputáu pola circunscripción occidental, Andrés 'Ron' Fernández Vilanova (68.604 puntos).

Na semeya, dalgunos de los miembros de la candidatura Asturies 2019, con Gil en primer filera ente Ripa y Ron.