José Blanco diz qu'hebo un "problema de comunicación" ente'l Gobiernu y ETA

"El secretariu d'Organización del PSOE, José Blanco dixo güei qu'hebo un ""problema de comunicación"" o de ""interlocución"" ente'l Gobiernu y la organización terrorista ETA, en cuantes que ""la información de la que disponía l'executivu nun concasaba cola voluntá de la banda terrorista"" de facer un atentáu. En declaraciones a la cadena Ser, Blanco eslicó que ye'l momentu de facer ""autocrítica"" dempués del atentáu y espresó'l so compromisu de ""analizar lo que pasó ""pa que nun haya más errores nel futuru"". Blanco acusó al PP d'aporfiar nuna estratexa de ""fractura"" de les fuerces polítiques democrátiques na llucha contra'l terrorismu, en cuenta de buscar la ""unidá"" y pidió un alcuerdu ente toes elles p'andar un camín que ye preciso compartir. El socialista pidió-y al PP que nun gaste ""mentires"" y alvirtió que'l so partíu nun cambió de política antiterrorista dende que taba na oposición."