HC y Cadasa van entamar una minicentral hidráulica nueva en Tañes

"Hidroeléctrica del Cantábricu (HC) y Cadasa llegaron a un alcuerdu pa facer nel Ríu Nalón una nueva central eléctrica, que va asitiase nel banzáu de Rusecu. La central va esplotala una sociedá conxunta ente HC, Cadasa y el conceyu de Sobrescobiu, que cuenta con llograr unos ingresos de cerca de 10.000 euros pola so participación na central hidráulica. HC va tener la mayoría na sociedá, mientres que Cadasa va quedar col 38,23% por ciento del accionariáu.

Nel añu en que'l se confirmó'l trespasu a Asturies de la xestión del Ríu Nalón, dase tamién agora un pasu decisivu pa la creación d'esta minicentral hidráulica de la que se llevaba falando dende los años 70, ello nun momentu en que'l Ríu Nalón ye actualidá pol polémicu proyectu d'embalse que quier facese en Caliao, otru de los proyectos d'usu hidráulicu de Nalón de los que yá se falaba nos años 70. L'anuncia de la minicentral de Rusecu apaez dempués d'un añu en que los niveles del actual sistema d'embalses del Nalón, qu'abastecen d'agua a la mayor parte de la población asturiana llegaren a mínimos. Grupos ecoloxistes denunciaron con motivu de la baxada de niveles d'agua embalsao en Tañes-Rusecu que taba priorizándose l'usu del agua del Nalón pa la producción de corriente cola central yá existente nel ríu, argumentando que, mientres nos 80 y hasta mediaos de los 90 nun se produxeron na central hidroeléctrica del Nalón más qu'ente 70 y 90 GWh, xubiendo la xeneración dende úlimos de los 90 a producciones na raya de los 160 GWh."