Los demócrates faense col control en congresu y senáu de los EEUU

"El Partíu Demócrata ye la fuerza mayoritaria dende güei nes dos cámares llexislatives de los EEUU, controlando la Cámara de Representates y el Senáu. Esta mayoría nueva va suponer un escenariu políticu abegosu pal presidente republicanu George Bush, que yá nun va contar col sofitu del llexislativu como hasta agora nos dos años de mandatu que-y queden. Nancy Pelosi, presidenta demócrata del congresu, declaró que los oxetivos pal so mandatu van ser la meyora de les polítiques sociales y la llucha contra la corrupción. Cuestiones de política exterior, casu de la ocupación d'Iraq, van ser d'agora en p'alantre motivu de rocea ente la Casa Blanca y el congresu, y ello ye que los analistes americanos interpretaron la derrota republicana nes elecciones de payares como, a lo mesnos en parte, un castigu pola xestión del confllictu. Precisamente ún de los temes que van pasar pel congresu va ser la decisión d'acutar más fondos económicos pa caltener la presencia militar nel país invadíu.
Más información en NY Times CNN. Programa de los Demócrates pal Congresu"