Batasuna diz que naide contaba col atentáu de Madrid

"El representante de Batasuna Joseba Alvarez declaró que ""naide contaba con un atentáu como'l de Madrid"" anque ""tol mundu sabía que la situación del procesu de paz yera crítica"". El políticu abertzale fexo estes declaraciones a la emisora Radio Euskadi, na qu'afirmó que ""tol mundu conocía cómo evolucionaren les coses nestos nueve meses"" dende qu'ETA declarare l'altu'l fueu.

Álvarez esplicó que ""Había una conciencia xeneral de crisis en setiembre"" a la que s'amestó la situación del presu Iñaki de Juana Chaos, en fuelga de fame, ""les detenciones"" y ""les illegalizaciones que se calteníen"". El dirixente abertzale esplica na entrevista que, ""anque la situación nun yera la deseable, naide contaba con un atentáu como'l de Madrid"". Con too y con ello, Álvarez nun cree que'l procesu de paz tea muertu, anque écha-y la mayor parte de la culpa de la situación actual al PSOE ""que dixo reiteradamente que lideraba'l procesu"" al empar que recordó qu'ETA nun presentó nengún comunicáu nin anuncia oficial enantes o dempués del atentáu y dixo que-y correspuende a ETA esplicar por qué lo fizo asina o qué quixo dar a entender con eso"". Joseba Alvarez albidra que ""les selmanes y los meses que vienen van enseñar si somos quien o non a buscar una salida ente los qu'hasta la selmana dicíemos tar d'alcuerdu nello""."