Una delegación del PP va visitar la esposición d'obres d'arte pola Oficialidá

"Una delegación de miembros del comité executivu del PP d'Asturies encabezada pol secretariu Xeneral del Partíu Reinerio Álvarez Saavedra, la diputada autonómica Cristina Coto y la candidata popular al Ayuntamientu de Xixón Pilar Fernandez Pardo va visitar güei martes 2 de xineru la ""II Amuesa d'obres d'arte pola oficialidá del asturianu"" que se celebra na sala ""espaciu Astragal"" del Conseyu de la Mocedá de Xixón. A la delegación popular, na que tamién van participar conceyales d'esti partíu d'estremaos llugares d'Asturies, va recibila miembros del Conceyu Abiertu pola Oficialidá, plataforma cívica organizadora de la esposición, que van facé-yos a los representantes del PPuna visita guiada per esta esposición que cuenta coles obres que 77 artistes asturianos de renome donaron a la plataforma cívica de manera desinteresada al favor del reconocimientu de la oficialidá del asturianu.

Fernando Ornosa, representante del CAO, declaró que-y paecía ""un pasu importante ver el cambiu de sensibilidá del PP hacia'l tema del asturianu"" un cambiu ""que se ve nesta visita encabezada pol mesmu secretariu xeneral del PP"". Ornosa declaró que ""ye un pasu importante a la hora de reconocer el trabayu del CAO"" y valoró que ""dientro del PP hai muncha xente posicionandose pa que nel artículu IV del Estatutu d'Autonomía, el que fala de la llingua asturiana, haya una redaccion nueva que valga pa tolos asturianos""."