Rumania y Bulgaria son socios nuevos de la Unión Europea dende ayeri

"La Unión Europea cuenta dende ayeri con 27 miembros al facese erfctivu l'ixerimientu na Unión de Rumanía y Bulgaria. Les dos ex-repúbliques socialistes apurren a la UE 30 millones d'habitantes, colo que la Unión allegase asina a los 500 millones de persones. La entrada de Rumanía y Bulgaria faise dientro de midíes escepcionales de vixilancia y control ensin precedentes n'ampliaciones anteriores por causa de los altos índices de corrupción y crimen organizáu que se dan nestos dos estaos, polo que l'executivu comunitariu va apautar midíes especiales pal control de los fondos estructurales y les ayudes agrícoles a estos estaos.

La política de seguridá alimentario, que nun llega nestos estaos a los estándares de la UE, va obligar tamién a midíes especiales y torgues pa la esportación de productos alimenarios búlgaros y rumanos, mientres que, en previsión d'una fola migratoria dende estos estaos, los demás miembros de la UE van poder aplicar temporalmente midíes de restricción a la entrada de ciudadanos de los socios nuevos de la UE. L'Asociación d'inmigrantes n'Asturies AIRA denunció por ""discriminatoria"" l'aplicación d'estes torgues a la llibre circulación de ciudadanos rumanos y búlgaros, que, nel casu español, espéyase nuna moratoria de dos años nos que van precisar de contratu de trabayu en vigor pa xustificar la so presencia en suelu español

Xunto con estes dos nueves entraes na UE, Eslovenia entró l'añu como'l sociu nuevu de la moneda única de la Unión. La república ex - yugoslava ye asina'l miembru númberu 13 de la eurozona, abandonando los sos dos millones d'habitantes la moneda vieya del país, el tolar."