16.000 muertos pola violencia n'Iraq nel añu 2006

"El gobiernu d'Iraq fizo públicu un informe nel que perita en 16.273 les víctimes mortales iraquines nel añu 2006 n'actos violentos rellacionaos cola situación en que vive'l país, ocupáu dende l'añu 2003 por una fuerza militar de los EEUU y sometíu a actos violentos protagonizaos por grupos d'estremaes obediencies polítiques y relixoses. El recuentu estrema los muertos en 14.298 civiles, 1.348 policíes y 627 soldaos del exércitu d'Iraq. Según l'informe, el mayor episodiu de violencia del 2006 españó dempués del atentáu del 22 de febreru contra un mausoleu xhií na ciudá de Samarra, al norte de Bagdad. Estes cuentes conócense poques hores dempués de que los militares de los EEUU sufrieren la so víctima mortal númberu 3.000 dende l'entamu de la invasión y dempués de la execución de Saddam Hussein, que morrió aforcáu el 30 d'avientu en medio d'un turbón de condenes internacionales, ente elles la española, al axusticiamientu. El gobiernu d'Iraq pidió que s'abriere una investigación sobre la grabación en vídeu dela excución, na que se siente a los verdugos insultar al reu."