El ministru Rubalcaba va aconceyar colos grupos parlamentarios pa tratar la situación dempués del atentáu de Madrid

"El secretariu d'Organización del PSOE, José Blanco, declaró que'l Gobiernu da por francíu'l procesu de paz n'Euskadi, aclariando qu'ello foi asina ""porque lo quixo ETA"" en referencia a la bomba que punxere la organización terrorista'l pasáu 31 d'avientu na terminal T-4 del aeropuertu de Madrid. El responsable de la formación política en Gobiernu esplicó que l'atentáu de Barajas demostró que ""nun hebo cesión nin rendición"" por parte del Executivu.

En rellación a la situación xenerada pol atentáu de Madrid, el Ministru del Interior Alfredo Pérez Rubalcaba va celebrar dende'l martes 9 xuntes informatives con tolos grupos parlamentarios del Congresu pa da-yos detalles sobre l'atentáu, sobre'l puntu en que s'alcuentra'l procesu de paz y la postura del gobiernu, entamando pel PP y siguiendo colos demás grupos per orde d'importancia.

Pela so parte, el gobiernu vascu continua faciendo un apueste por siguir el diálogu, afirmando'l conseyeru de Xusticia Joseba Azkarraga que ""la unica salida ye'l diálogu"" a lo que la portavoz del executivu Miren Azkarate amestó que pa ello ""la participación ciudadana ye fundamental"". El Lehendakari Juan José Ibarretxe va convocar al Conseyu Políticu d'Euskadi p'analizar les midíes a adoptar tres de l'acción terrorista."