Tejedor presenta'l so discu n'Uviéu

"L'últimu discu del grupu Tejedor, ""Música na Maleta"", va enfrentase'l próximu xueves día 4 al so primer exame en directo. Ello ye que'l Teatru Campoamor d''Uviéu va acoyer la presentación oficial del cd, nun directu que promete tener delles sorpreses no que cinca a les collaboraciones musicales.Asina'l el conciertu preséntase como ""Tejedor ya Invitaos"", y nél va sonar los cantares del últimu trabayu discográficu amás d'otros cantares bien conocíos de la carrera de Tejedor. Ente los invitaos a participar nel conciertu van tar la mayoría de los collaboradores que partciparon nesti "Música na Maleta", como Niall Vallely cola concertina, Arantxa Hernández y Héctor Braga colos violonchelos, Jon Garmendía y Iñaki Plaza na Txalaparta, el grupu gallegu Faltriqueira, la trompeta de Miguel Herrero y la Banda de Gaites Tabladar. El conciertu va ser esti xueves día cuatro de xineru a les 21 hores y la entrada val 10 euros. Tres d'esta actución Tejedor va dior a presentar el so discu fuera d'Asturies, concretamente nel Celtic Connections de Glasgow el 24 d'esti mesmu mes."