El deporte asturianu da la cara pola oficialidá

"Samuel Sánchez, Carlos Pérez, Javi Villa, Santi Cazorla, Juan Mata, Pablo Álvarez, Santi Pérez, Manuel Enrique Mejuto, Benjamín Noval, Adrián López, Esteban Suárez, Carlos Barredo, Alberto Hevia , César Martín y Javi Hernanz dan la cara pola Oficialidá na campaña entamada pol CAO, sumándose asina a David Villa, Quini, Chechu Rubiera y Manuel Busto qu'ente otros yá lo fixeren anteriormente.

L'éxitu de la campaña Doi la Cara pola Oficialidá sigue n'aumentu y sigue concentrando apoyos de tolos ámbitos de la sociedá asturiana. La iniciativa puesta en marcha pol Conceyu Abiertu pola Oficialidá lleva yá sumaes 8.500 semeyes. Doi la Cara pola Oficialidá ye una campaña abierta a la participación de toles persones. Una propuesta que tresllada a tolos ciudadanos y ciudadanes la iniciativa y el protagonismu na reivindicación de los derechos llingüísticos. Doi la Cara pola Oficialidá ta demostrando que la reivindicación llingüística ye un movimientu plural y vivu. Na galería de semeyes pue vese la participación de persones de toles edaes y procedencies; y de tolos ámbitos llaborales, sociales, políticos, etc. Porque la llingua asturiana ye un patrimoniu común que pertenez a tolos asturianos y asturianes.

Na páxina de la campaña tán yá disponibles les semeyes de deportistes del altor de Samuel Sánchez ( ciclista del ""Euskaltel-Euskadi"". Medaya d'oru Pekín 2008), Carlos Pérez (piragüista. Campeón d'Europa, campeón del mundu y medalla d'oru Pekín 2008), Javi Villa (pilotu GP2), Santi Cazorla (futbolista. 1ª División. Villareal. Campeón d'Europa 2008 cola Selección Española), Juan Mata (futbolista. 1ª División. Valencia), Pablo Álvarez (futbolista. 1ª División. Deportivo de la Coruña), Santi Pérez (ciclista ""GAM-Relax"". Segundu clasificáu Vuelta España 04), Manuel Enrique Mejuto (arbitru de fútbol internacional), Benjamín Noval (ciclista ""Astana""), Adrián López (futbolista. 1ª División. Málaga), Esteban Suárez (futbolista. 1ª División. Almería), Carlos Barredo (ciclista ""Quick Step""), Alberto Hevia (pilotu. Campeón d'España de Rallye 2004), César Martín (futbolista. 2ª División. Hércules), y Javi Hernanz (piragüista. Campeón d'España)."