Amnistía Internacional Asturies llama a unviar postales d'apoyu a tres presos d'Eritrea, Gambia y Ruanda

"La Unidá Territorial d'Amnistía Internacional (AI) fizo güei un llamáu a unviar postales d'apoyu a tres presos de conciencia en cárceles d'Eritrea, Gambia y Ruanda. Trátase de la campaña 'Regala les tos pallabres', que como tolos años entama esta organización p'apoyar a persona que considera inxustamente encarcelaes.

Al traviés d'un comunicáu, la delegación asturiana d'AI recordó los casos d'Abune Antonios (Eritrea), Chief Ebrime Manneh (Gambia) y Charles Ntakirutinka (Ruanda). Los dos primeros asegura que tán deteníos por exercer el so derechu a la llibertá d'espresión y de relixón, y l'últimu por fundar un partíu. ""Toos son presos de conciencia pa los que la organización exixe la llibertá darréu y ensin condiciones"", esplicá.

Amnitía convidó asina a toles persones a particiar nesta campaña unviando una 'ciberpostal' al traviés de www.es.amnesty.org, o una postal tradicional editada pola organización y que se distribuyó en dalgunos 'cibercentros'. ""Gracies a ello, Abune, Abrima y Charles van recibir mensaxes d'apoyu y solidaridá de miles de persones de tol mundu"", esplica'l colectivu.

La organización asegura que ""unviar postales y mensaxes d'apoyu pue meyorar sustancialmente les condiciones de vida de les persones deteníes""."