Asturies, ente los territorios que menos s'identifiquen cola estrema derecha

Los castellano-manchegos, los que más s'averen a esta posición ideolóxica.

Vascos, catalanes, navarros y asturianos son los ciudadanos del Estáu que menos s'identifiquen cola estrema derecha, según los datos del CIS ente ochobre del 2017 y xunetu del 2018 recopilaos pol analista Joe Brew pa destacar el resultáu de Catalunya. Un 3,7 por cientu ye'l porcentaxe que se rexistra n'Asturies de persones que se posicionen ente'l 8 y el 10 nuna escala de 1 al 10 na que'l 1 ye izquierda y el 10 derecha, por un 1,4 por cientu d'Euskadi, un 3,1 de Catalunya y un 3,4 de Navarra.

Nel llau contrariu ta Castilla-La Mancha, con un un 13,7 por cientu de persones que se considera d'estrema derecha, por un 11,5 por cientu de Cantabria y un 11 por cientu d'Aragón. Les otres comunidaes autónomes vecines, Castilla y Lleón y Galicia, rexistren un 10,4 y un 7,4 por cientu, de manera respeutiva.

Na imaxe, gráficu ellaboráu por Brew con estos datos modificáu pa resaltar a Asturies.