Torremolinos dedica una plaza a Asturies

Va inaugurase'l sábadu coincidiendo colos actos de celebración del Día d'Asturies nel Centro Asturiano de Málaga.

Con Miranda como convidáu, los festexos van allargase del vienres al domingu. L'alcaldesa del conceyu asturianu Rosa Rodríguez González va encargase de llectura del pregón a les 21 hores, depués d'una misa n'honor de la Santina, y María del Paz Fernández Felgueroso, presidenta del Conseyu de Comunidaes Asturianes, y a José Ortiz, alcalde de Torremolinos, van recibir los escudos d'oru del centru.

La población malagueña dedica un espaciu asitiáu na esquina ente les cais Río Bergantes y Río Aranda al nuesu país tres un pidimientu del conceyal de Ciudadanos Ignacio Rivas, asturianu asentáu en Torremolinos. Asina, la plaza Asturias va inaugurase'l sábadu de manera oficial, coincidiendo cola celebración, a les 13 hores del sábadu.

El domingu, mentes, va ser el día'l bollu y va entamase la xinta de xeremandía ente tolos asociaos al centru. Mientres, a lo llargo de los festexos del Día d'Asturies va tener llugar una exhibición d'ellaboración de pan d'escanda y preba de productos típicos asturianos procedentes de Miranda, y les actuaciones del Che de Cabaños, l'Agrupación Folclórica L'Alborá del Centro Asturiano de Madrid y la Banda de Gaitas Brisas de Asturias del Centro Asturiano de Málaga, amás del grupu cántabru Sal y Pimienta.

Na imaxe, Rivas. Semeya de Ciudadanos Torremolinos.