Corbacho refuga modificar la prestación por desemplegu y diz que "nun ta na axenda" ampliala

"El ministru de Trabayu, Celestino Corbaho, aseguró güei que nun ta d'acuerdu en modificar l'actual sistema de prestaciones por desmplegu porque ye ""bono y equilibráu"" y aseguró que ""nun ta na axenda del Gobiernu"" l'ampliació de la cobertoria, si bien almitió que ye una posibilidá que va haber qu'estudiar ""si llega'l casu de qu'un colectivu"" tuviere ""desprotexíu"" ante la evolución de la crisis.

Demientres la so intervención nun almuerzu organizáu pol Foru ABC, Corbacho matizó les declaraciones del martes del presidente del Gobiernu, José Luis Rodríguez Zapatero, qu'apostó nun sólo por caltener estra proteición, sinón que, ""na midida de lo posible, meyorala"".

""Lo que'l presidente del Gobiernu vino a reflexonar foi sobre qué pasa si en dalguna circunstancia se constata que la proteición nun pudiere llegar a persones que tán desprotexíes y nesti sen, se refería a ampliar la cobertoria"", señaló. Según Corbacho, España, siendo la ""octava potencia económica del mundu"", nun pue permitir que se produza situación tala.

Corbacho, que mostró la so confianza en que ""de nenguna manera"" el paru va algamar la cifra de cuatro millones de desemplegaos nel 2009, como s'apunta dende dalgunos organismos, reconoció sicasí que va crecer nos próximos meses porque ""va siguir produciendo axustes"". ""Vamos salir de la crisis, anque pel mediu va dexar firíes"", previó."