El Congresu aprueba la salida de Franco del Valle de los Caídos

Foro, PP, UPN y Ciudadanos astuviéronse na votación, que namái tuvo dos votos contrarios, dambos del grupu popular.

El Plenu del Congresu convalidó'l decretu-llei que modifica la Llei de Memoria Histórica p'ampliar derechos y afitar midíes en favor de los sufriieron la perscución o violencia mientres la Guerra Civil y la dictadura, que permite l'activación del procesu pa desenterrar los restos de Francisco Franco y treslladalos del Valle de los Caídos, como pretende'l Gobiernu de Pedro Sánchez. La so intención ye sacalu del templu enantes del fin d'añu, pendiente entovía de cuál va ser el deséu de la familia sobre'l futuru del fináu.

La votación salió alantre con 176 votos a favor, 2 en contra y 165 astenciones, ente elles la del diputáu de Foro Isidro Manuel Martínez Oblanca. L'ex presidente del Congresu Jesús Posada y José Ignacio Llorens, dambos del PP, foron los dos parllamentarios que votaron en contra, anque dambos señalaron que foi por error.

Na semeya, tumba de Franco. Semeya obra de Xauxa baxo llicencia CC BY-SA 3.0.