Seis de los quince mancaos del autobús siniestráu ayeri n’Avilés siguen ingresaos

Tolos pacientes atendíos n’hospital San Agustín d’Avilés foron daos d’alta.

Seis de les quince persones mancaes ayeri nel accidente d’autobús asocedíu n’Avilés permanecen ingresaes, cinco d’elles n’Hospital Universitariu Central d’Asturies (HUCA), n’Uviéu, y una más en Cabueñes Hospital Universitariu (CAHU), en Xixón

Los cuatro pacientes qu’a última hora de la tarde d’ayeri taben internaos n’Hospital Universitariu San Agustín d’Avilés foron daos d’alta, amás d’una de les firíes que la treslladaren al HUCA.

Los pacientes ingresaos nel HUCA son:

•    M.M.A.B, muyer de 62 años. Ingresada na UCI y con pronósticu reserváu.
•    O.L.M, varón de 40 años. Ingresáu na UCI y con pronósticu reserváu.
•    L.Y.I.M., muyer de 56 años. Ingresada na UCI y con pronósticu reserváu.
•    B.F.F., muyer de 44 años. Ingresada na UCI y con pronósticu reserváu.
•    J.L.D.S, varón de 43 años que permanez n’observación nel Serviciu d’Urxencies. Pronósticu menos grave.

N’Hospital Universitariu de Cabueñes permanez ingresada una muyer de 28 años que se caltién n’observación anque podría ser dada d’alta nes hores vinientes.