La Noite Celta de Porcía presenta un añu más un cartelu de primer nivel

Ye la trentena quinta edición de la decana de les nueches celtes que s'entamen nel país.

Dende'l 1984 el caberu sábadu d'agostu ta acutáu polos aficionaos al folk. El Franco conviértese per una nueche nel epicentru de la meyor música de raigañu celta, cola perguapa alameda de Porcía como sede de conciertos hasta bien entrada la madrugada.

Esti sábadu tien llugar una edición nueva de la Noite Celta de Porcía, que va contar con un cartel de primer nivel. Asina, dende les 22 hores van pasar pel escenariu la bandina La Garrapiella; los grupos del occidente Cádaba, Caldo y Os Rabizos, y el gaiteru Nela de Bres; Tejedor; los escoceses Dallahan; y N'Arba.