Llanes despidió a Ardines con un actu emocionante

Centenares de persones axuntáronse frente a la Casa Conceyu, onde se lleó un manifiestu qu'esixe l'esclaramientu del crime.

Nel actu celebráu esta mañana intervino Manuel Gonzalez Orviz, ex coordinador xeneral d'IX amigu personal del conceyal Mediu Rural, Playes y Personal asesináu'l xueves y de la familia. Encargóse de la llectura d'un manifiestu nel que recordó tanto les facetes personales de Javier Ardines, asina como'l so compromisu social y políticu.

D'igual forma esixó l'esclaramientu pronto del crime, que ta en fase d'investigación a cargu de la Guardia Civil, y pidió "calma" y "prudencia" a los vecinos de Llanes. Tres la llectura del manifiestu guardóse un minutu de silenciu y zarróse l'actu con una intervención musical de Marta Elola y del guitarrista Douglas Anderson, qu'interpretaron 'Gallo rojo, gallo negro'.