Ún de Grao toca na Plaza Mayor de Xixón pola Fiesta de la Sidra Natural

El proyeutu musical de José Martínez Álvarez va reforciase con músicos d'altor pa esta cita.

El nomáu 'Conciertu de la Sidra' va tener llugar mañana, a les 21.30 hores, y va tar protagonizáu por Ún de Grao. Baxo esti nome, el moscón afonda nuna evolución de la tonada col acompañamientu d'una guitarra, calteniendo'l respeutu poles estructures y patrones clásicos, pero abriéndose a otres corrientes.

Pa esta cita tan especial, Martínez Álvarez va presentase n'escena con un acompañamientu de luxu. Asina, sobre les tables del escenariu de la Plaza Mayor van acompañalu Pepín de Muñalén (saxu) y Tony Cruz (contrabaxu), col productor Xavier Foks al soníu y los efeutos de guitarra.