Fernández Pardo acusa al PSOE de torgar qu'Asturies cuente con un hospital psiquiátricu penitenciariu

"La diputada del PP, Pilar Fernández Pardo, acusó güei a los socialistes de negar a Asturies la posibilidá de que cuenta con un hospital pisquiátricu penitenciariu que podía ser ""referente nel norte d'España"". Asina lo manifestó la diputada por Asturies, Pilar Fernández Pardo, al acabar la Comisión d'Interior del Congresu de los Diputaos, na que presentó una proposición non de llei del Grupu Parlamentariu Popular que plantega la necesidá de construyir nel Principáu un equipamientu pa cubrir les necesidaes d'asistencia psiquiátrica penitenciaria avanzada nel noroeste del país.

La iniciativa del grupu parlmaentariu popular, que contó colos votos a favor del PP y tres astenciones de CiU, el Grupu Mistu, y el PNV, refugóse colos votos del grupu socialista. Pilar Fernández Pardo recordó que, dempués de tramitar la so iniciativa na Comisión de Sanidá, foi'l PSOE'l que decidió que l'Alministración Penitenciaria, dependiente del Ministeriu de Xusticia, asumiere tal competencia.

Na Comsión d'Interior, que se celebró esta tarde, la diputada por Asturies defendió'l pidimientu del PP pa la construcción del equipamientu nel entornu de la prisión de Villabona, que cuenta con una unidá terapéutica pa toxicómanos.

Según informó'l PP nuna nota prensa, Fernández Pardo argumentó que n'España sólo existen dos centros psiquiátricos penitenciarios en Sevilla y Alicante, y que ye ""tal l'escesu d'ocupación que presenten que yá nun almiten nin un enfermu mental más"".

Fernández Pardo esplicó qu'ún de los munchos problemes que tien plantegáu l'Alministración de Xusticia n'España ye'l de nun saber qué facer colos enfermos mentales. ""Les cárceles españoles tornaron en grandes centros psiquiátricos, hasta'l puntu de que más del 17% de les persones qu'ingresen n'ellos tienen antecedentes por trestornos mentales. Na prisión de Villabona, de los 1.645 internos, 600 necesiten atención psiquiátrica y 50 d'ellos requieren medicación cada ocho hores"", espunxo la dirixente popular asturiana.

Tres el refugu del PSOE a la iniciativa del PP, la diputada Pilar Fernández Pardo encamentó al Gobiernu socialista a cumplir lo establecío na Llei de Cohesión y Calidá qu'ellaboró'l PP nel 2003, pa que'l Serviciu de Salú del Principáu d'Asturies (Sespa) asuma ""l'asistencia psiquiátrica que necesiten los presos asturianos, dao que'l 50% de los mesmos sufren dalgún trestornu psiquiátricu""."