El mercáu del alquiler va llegar n'Asturies a 47.625 viviendes nel primer trimestre del 2009, según Arrenta

"El mercáu del alquiler va llegar n'Asturies a 47.625 viviendes nel primer trimestre del 2009, un 27 por cientu más qu'a mediaos del 2008, según l'Asociación pal Fomentu del Alquiler y Accesu a la Vivienda Arrenta. La cifra actual del parque de viviendes n'alquiler yá supera les 37.500, informó la organización al traviés d'una nota prensa.

Según la compañía, esi crecimientu ye tan fuerte porque cada añu miles de families necesiten una vivienda, pero les restricciones crediticies y la inestabilidá llaboral faen que l'alquiler seya la única fórmula p'acceder elles. El mercáu del alquiler tamién se ta dinamizando aun ritmu mayor porque los propietarios de los miles de viviendes vacíes tán optando por sacales al mercáu del alquiler por dos razones fundamentales: la imposibilidá de vender y l'aumentu de garantíes y seguridá del alquiler.

La visión que los asturianos tienen del alquiler ta cambiando mui deprisa. ""En malpenes doce meses l'alquiler pasó de ser poco apreciáu y tar casi reserváu a los sectores de la población con menor capacidá económica a ser vistu como la única alternativa p'acceder a una vivienda. Los españoles yá nun piensen qu'alquilar seya tirar el dineru y ven nel arrendamientu una bona opción"", según esplicó Carlos Ruiz Pérez, Gerente d'Arrenta. El resultáu del tirón del alquiler ye l'incrementu del parque de viviendes en casi un 50 por cientu nos últimos dos años.

L'alquiler n'Asturies yá representa más del 15 por cientu del total del parque de viviendes, tovía más alloñáu del 30 por cientu de media nos principales países d'Europa, polo que va siguir creciendo de manera constante demientres tol 2009 y 2010 a un ritmu superior al 25 pro cientu añal, según la citada previsión."