Convocada la mayor ufierta pública d'empléu en sanidá

El Boletín Oficial del Principáu (Bopa) publica güei l'anuncia del concursu-oposición para cubrir 2.013 places d'enfermeres, matrones, fisioterapeutes, celadores, auxiliares d'enfermería y auxiliares alministrativos.

El Serviciu de Salú del Principáu (Sespa) llanzó güei la mayor convocatoria de puestos de trabayos públicos que se llevó a cabu hasta agora na sanidá asturiana, col que quier amenorgar la tasa de temporalidá na sanidá asturiana.

El xerente del Sespa, José Ramón Riera, aseguró que se trata d'una ufierta d'empléu públicu (OPE) ambiciosa, que s'afai a les necesidaes del sistema y que va resultar fundamental para consolidar l'empléu calidable. El procesu selectivu va dotar d'estabilidá a la organización y va dexar rebaxar la tasa d'interinidá en seis categoríes que suponen el 58% del total de la plantiya orgánica del Serviciu de Salú.

L'amenorgamientu de la interinidá ye unu de los compromisos adquiríos pol Gobiernu d'Asturies nel Alcuerdu para la competitividá económica y la sostenibilidá social y supon caltener el criteriu de coordinación estatal que s'alcordó na comisión técnica delegada de Recursos Humanos del Sistema Nacional de Salú na convocatoria d'estes categoríes.

El Sespa va desenvolver íntegramente el procesu de selección, al igual qu'asocedió con tolos que se realizaron nel ámbitu sanitariu dende 2016. El xerente del Sespa esplicó qu'esta va ser una de les ufiertes d'empléu más complexes, cuidao que se preve una gran arribación que va esixir un importante esplegue loxísticu. Nesti sentíu, valoró l'esfuerzu y l'intensu trabayu que tán realizando los distintos profesionales para executar la convocatoria.

Les places que salen a concursu son les siguientes:

• 232 d'auxiliares alministrativos. (Fecha esame: 7 d'abril) 
• 799 d'auxiliares d'enfermería. (Fecha esame: 28 d'abril) 
• 399 de celadores. (Fecha esame: 10 de marzu) 
• 499 d'enfermeres. (Fecha esame: 12 de mayu) 
• 61 de fisioterapeutes. (Fecha esame: 17 de febreru) 
• 23 de matrones. (Fecha esame: 23 de febreru) 

Les persones comenenciudes en participar nel procedimientu selectivu disponen d'un plazu de 20 díes, cuntaos a partir de mañana, para presentar la documentación correspondiente.

El procesu va realizar por aciu el sistema de concursu-oposición y los esames de cada categoría van ser iguaos polos distintos tribunales en presencia d'un notariu. La prueba de la fase d'oposición va consistir nun cuestionariu escritu tipu test con cuatro respuestes ente les que solo xuna ye la correcta. La mayoría de les entrugues van tar rellacionaes colos temes que componen la parte específica del temariu de cada categoría. Pa que la fase de concursu seya valorada, los aspirantes tendrán de superar la puntación mínima establecida na oposición, que tien calter obligatoriu y eliminatoriu.

Na Semeya: El Xerente del Sespa, José Ramón Riera, y la coordinadora téunica responsable de los procesos de seleicion de personal del Sespa, Asunción Artime.