Iván Iglesias Fernández algama’l XVIII Premio Xeira de narracióis curtias en gallego-asturiano.

"El XVIII Premio Xeira de narracióis curtias en gallego-asturiano ta acabante de fallase na Caridá y nesta edición resultó premiáu Iván Iglesias Fernández ""Cazarón"", pol so relatu ""El Maño"". El xuráu fixo tamién una mención especial pal relatu ""Sudor y cobardía"", d'Andrés Rodríguez Monteavaro, de Bual.

El xuráu, formáu por D. Rafael Cascudo Noceda, D. Alfredo González Fernández, D. José Manuel Martínez Castro y Da. Mª José Fraga Suárez, y actuando como secretario D. Rubén Rodríguez Gayol, acordó, por unanimidá, conceder el primer premiu a D. Iván Iglesias Fernández ""Cazarón"", que vive en Valdepares (El Franco), onde ñació en 1980. Esti autor ye collaborador habitual de la revista Entrambasauguas y de Falaviva.net. Anguaño trabaya como coordinador d'actividaes culturales y llingüístiques na Fundación del Parque Histórico del Navia. Esti premiu, creáu pola Asociación Cultural Xeira pa promocionar l'usu lliterariu del gallego-asturiano, y ayudar asina a la so normalización social, tien una dotación de 500 euros."