La Fundación Caveda y Nava va celebrar la so Xornada anual

"El sábadu 13 d'avientu la Fundación Caveda y Nava celebra la so Xornada anual en Villaviciosa, nesta ocasión con una mesa redonda titulada ""¿Necesita Asturies del asturianismu? Tres xeneraciones, tres visiones"" na que van participar Xuan Xosé Sánchez Vicente, Ramón d'Andrés Díaz y Maria Cuetos Fernández.

El motivu d'esti alderique ye según la Fundación ""reflexonar en común pa ver ónde tien d'empobinar nel futuru la Fundación"". Nesta edición sustitúyese'l nomamientu de patronos d'honor, la conferencia y los discursos institucionales por esta mesa redonda. Los actos entamarán a les doce de la mañana del sábadu día 13 d'avientu con un homenaxe floral na casa natal de Caveda y Nava, na cai del agua de Villaviciosa.

A les doce y media entamará la mesa redonda na Casa Cultura y a les dos y media nel llagar d'Amandi sera'l piesllu d'esta VI Xornada. Aparte d'esta xornada, la Fundación tien nes manes otru proyectu llamáu ""De Viva Voz"", que consiste na grabación en vidéu de los patronos dando les sos propuestes de futuru respective a la situación del nuesu idioma."