Los presupuestos autonómicos van permitir executar 200 obres nos 71 conceyos de menos de 20.000 habitantes

"El 88% de la partida que la Conseyería d'Alministraciones Públiques va destinar a Alministración Llocal nel 2009 va permitir executar más de 200 obres nos 71 conceyos asturianos con menos de 20.000 habitantes.

Asina lo indicó güei la conseyera d'Alministraicone Públiques y Vocera del Gobiernu, Ana Rosa Migoya, na presentación de los sos cuentes pal 2009, qu'incluyen una partida de 79,6 millones p'Alministración llocal.

El presupuestu total de la Conseyería s'asitia en 196.969.949 eruos, lo que reprsenta un 6,8 por cientu d'aumentu sobre'l presupuestu prollongáu del 2008 a les dos lleis de creitu estraordinariu. El proyeutu se reparte en partíes pa Servicios Xenerales (34,7 millones), Alministración Llocal (70,6 millones), Función Pública (4,8 millones), Planificación y Evalución de Recursos Humanos (1,3 millones), Informática (37,3 millones), Modernización y Sociedá de la Información (40 millones), Institutu Adolfo Posada (7,7 millones) y Escuela Asturiana de Seguridá Pública.

Migoya destacó determinaes inciatives, como'l Fondu Especial de Cooperación, al que se destinen 8,5 millones. Trátase, según la conseyera d'una midida apoyada pola Federación de Conceyos (FACC) y que tuvo en cuenta criterios ""igualitarios y solidarios"". Asina, dixo que nun se tuvo sólo en cuenta'l parámetru de la población, sinón que tamién se contempla otros como la orografía o'l númberu de núcleos de población.

Tamién destacó'l proyeutu Mo.De.Lo, que cuenta con una partida de 1,9 millones y que va permitir a los ayuntamientos menores de 50.000 habitantes disponer d'información completa y actualizada sobre infraestructures, equipamientos, bienes, derechos, accebilidá y movilidá, too basao en sistemes d'información territorial ""d'última xeneración y sofware llibre"". Ta cofinanciáu pol Feder."