González Rodríguez, direutor xeneral de Pesca Marítima nuevu

Sustitúi nel cargu a Vizcaíno, yá xubiláu.

L'uviedín anunciaba'l mes pasáu'l so deséu de solicitar la xubilación anticipada cola intención de dexar la direición xeneral de Pesca Marítima esti añu. El Conseyu de Gobiernu reaicionó rápido al deséu d'Alberto Vizcaíno y nomó esta mañana a Francisco González Rodríguez como'l so sustitutu.

Nacíu en Lluanco nel 1966, ye capitán de pesca pola Pasaiako Itsas Arrantza BHI. Cursó'l grau en Ciencias Ambientales na Universidad Nacional de Educación a Distancia (UNED) y nel 2010 ingresó como funcionariu nel cuerpu de profesores téunicos de FP, exerciendo hasta agora como profesor de Teunoloxía Pesquera nel Centru Integráu de Formación Profesional del Mar de Xixón.

González Rodríguez foi amás inspeutor de buques y averíes nel sector priváu y desendolcó trabayos como segundu y primer oficial de ponte en buques factoría nos caladeros de les Malvines y Namibia.