Garriga (PP) pide a les Alministraciones que tean "atentes" pa garantizar la financiación d'El Musel (Xixón)

"L'erodiputáu español miembru del Partíu Popular Européu (PPE) Salvador Garrriga recomendó güei a los gobiernos d'España y d'Asturies que tean ""atentos"" ante l'escenariu n'Europa no que se refier a los fondos europeos, pa poder garantizar la financiación de les obres d'ampliación del puertu d'El Musel (Xixón).

Les mencionaes obres, que se llendaron nel so momentu en 580 millones, presenten un aumentu de coste reconocíu de 216 millones, ensin incluyir l'IVA. El Gobiernu d'España, pa garantizar la financiación, solicitó fondos a la Unión Europea por importe de 135 millones. El grupu ecoloxista Los Verdes, sin embargu, denunció esi pidimientu de fondos na UE, argumentando que l'aumentu de coste nun ta xustificáu.

En declaraciones a Europa Press, l'eurodiputáu Salvador Garriga dixo güei que s'abre una vía imprtante pa garantizar la modificación de les obres del puertu, cola modifciación a la que-y da puxu la Comisión Europea sobre'l reglamentu de fondos comunitarios, onde va permitise una reprogramación más flexible sobre les prioridaes 2007-2013.

La midida ye frutu del delicáu momentu económicu y busca que los estaos miembros de la UE puean aumentar el grau d'execución de los fondos, dao que les tases d'execución baxaron. D'ehí que se permmita una reprogramación de los programes operativos.

Pa Garriga, les autoridaes españoles deberíen ""aprovechar"" esa oportunidá y esa capacidá de reprogramar los programes operativos, una vez que'l Parlamentu Européu vote a favor. Esa reprogramación diba permitir una cierta flexibilidá, necesaria pal puertu d'El Musel."