Ecoloxistes n'Aición denuncia'l "espilfarru" de les lluces de Navidá y lu considera "ecolóxicamente inaceptable"

"Ecoloxistes n'Aición denunció güei'l ""espilfarru' que supón el plan d'allumbráu navideñu d'una parte importante de les ciudaes españoles y lu considera ""ecolóxicamente inaceptable, pues lloñe del supuestu espíritu navideñu, tenta de recuperar la cultra del consumismu pa que les grandes superficies puean continuar faciendo caxa"".

La organización ecoloxista informó nun comunicáu que les lluces d'estes navidaes van costar un total de 7.557 euros diarios en Valladolid y 3.600 euros n'Uviéu. Esto según los sos cálculos, torna nun aumentu d'un 15 por cientu si comparamos diches cifres coles del añu pasáu en Madrid, o d'un 20 por cinetu si facemos lo proio con Barcelona.

""Tantes lluces navideñes suponen un gastu de 30 millones de kWh, lo que, pela so parte, produz unos 15 millones de kilogramos de dióxidu de carbonu. Esta cantidá ye equivalente a la que se consume nuna ciudá de 100.000 habitantes demientres un mes"", apuntó la ONG.

De la mesma manera, asegura que los datos sólo recueyen lo que se refier a illuminación navideña oficial, pero nun tien en consideranza, por exemplu, el despliegue de lluces de los centros comerciales. En concreto, calcúlase que nos más de 1.000 grandes centros comerciales d'España se consumen, sólo, poles lluces de Navidá, unos 50 millones de kWh.

Pa evitar les emisiones, la organización propón llendar la illuminación al periodu navideñu, ye dicir, dende Nuechebona a Reis, puesto que diba suponer reducir más de la metá tolos gastos."