Javier Fernández va aconceyar con Pedro Sánchez el día 25

Los temes principales que va treslladar el presidente a Madrid ye la financiación autonómica y la transición enerxética.

La cita va ser en Moncloa a les 13 hores, según confirmó Guillermo Martínez Suárez, conseyeru de Presidencia y Participación Ciudadana esta mañana en Castropol, onde tuvo llugar la reunión del Conseyu de Gobiernu. La visita de Javier Fernández a Pedro Sánchez produzse dientro de la ronda d'alcuentros del nuevu presidente del Gobiernu estatal colos autonómicos, que se tán celebrando, como ye vezu, pel orde d'aprobación del Estatu d'Autonomía.

El xefe del Executivu nacional va sacar a alderique na reunión los dos asuntos que más esmolecen agora al Gobiernu, la reforma de la financiación autonómica y la transición enerxética, nos que caltién "la mesma posición yá conocida". Ésta pasa por una negociación coleutiva ensin esperar a la llexislatura siguiente, nel primer casu, y una postura xusta y razonable que garantice'l futuru de la industria y de les zones mineres, na segunda.

Les infraestructures, la política agraria y les polítiques sociales, ente otros asuntos, tamién van tratase na reunión, según esplicó Martínez Suárez.

Na imaxe, Fernández preside'l Conseyu de Gobiernu celebráu esta mañana nel Conceyu de Castropol. Semeya obra d'Armando Álvarez.