La Policía india asalta l'hotel de lluxu Trident, tomáu por terroristes en Bombay

"El viceministru xefe del estáu indiu de Maharashtra, R.R. Patil, informó güei de que nun hai negociación ente los policíes qu'entamaron l'asaltu al hotel de lluxu Trident (antiguu Oberoi), en Bombay y los terroristes que tán nel so interior. ""Podía haber ente 100 y 200 persones nel interior del hotel, pero desconocemos el númberu exactu puesto que munchos s'enzarraron nel interior de los sos habitaciones"", esplicó Patil. Ente ellos tán dellos empresarios esapñoles que siguen nel interior d'una habitación na planta 14 a la espera de que lleguen les autoridaes. El viceministru xefe esplicó amás que podía haber ente diez y doce terroristes nel interior del edificiu.

101 MUERTOS, ÚLTIMU BALANCE

La cadena d'ataques cometíos ayeri nuna docena d'enclaves de Bombay y que paecen formar parte d'una aición coordinada, según la Policía, provocó la muerte de polo menos 101 persones, ente les cuales figuren seis estranxeros.

Ente los muertos tán el xefe de la Policía antiterorista de la cpaital financiera india, Hemant Karkare, asina como polo menos otros once axentes. Pela so parte, la Policía confirma 287 firíos, pese a que dalgunos medios llocales llegaron a dar hasta 900.

Estes aiciones dexaron pasu a enfrentamientos ente les Fuerces de Seguridá, l'Exércitu y los terroristes que calteníen demientres la nueche a decenes de persones como rehenes, principalmente en dos hoteles de la capital financiera india. El despliegue policial acabó nes primeres hores cola dentención de nueve persones y la muerte d'otros cinco sospechosos, según informaciones recoyíes por Europa Press que falen tamién de que polo menos tres terroristes escaparon al cercu de les fuerces de seguridá.

El grupu Deccan Muyaidín reivindicó al traviés d'un corréu electrónicu unviáu a la prensa l'autoridá d'estos incidentes. Ún de los supuestos miembros d'esti grupu y que diba forma parte de los siete asaltantes del hotel Trident (antiguu Oberoi) pidió, en declaraciones a la televisión india, la lliberación de tolos ""muyahidines"" deteníos nel país asiáticu. Amás, criticó la opresión que, al so xuiciu, sufren los musulmanes.

India sufrió nos últimos años dellos atentaos terroristes, munchos de los cuales lleven el sellu del islamismu radical, anque tamién s'arrestó a estremistes hindús por dalgunes d'estes aiciones armaes. La magnitú d'esta nueva traxedia caltién en contactu a la oposición y al Gobiernu.

DELLOS ESCENARIOS

Los teroristes cometieron les sos aiciones con distintu tipu d'armamentu, ente ellos granaes, y repartieron per una docena de llugares. Nesti sen, los más perxudicaos fueron los hoteles de lluxu Taj y Trident, anque otros llugar como l'aeropuertu de Santa Cruz, dos hospitales, unos multicines, una estación de tren o una cafetería tamién se vieron afeutaos.

Poro, cuando entamaba a amanecer en Bagkok, la situación siguía ensin tar baxo control en Bombay, y l'hotel Taj taba arrodiáu por policíes armaos, ambulancies y efeutivos de bomberos, que fueron al llugar pa tratar de sofocar les llames que yeren visibles dende l'esterior.

Nel hotel escucháronse disparos y unes seis esplosiones, tres lo que'l fumu entamó a asomar pel teyáu y se vieron escenes de pánicu, con persones pidiendo axuiliu dende les ventanes del lluxosu edificiu. Según un inspector de Policía, Asjok Patil, los terroristes llanzaron ""granaes dende'l teyáu"" pa tentar de contener el despliegue policial que los caltenía arrodiaos nel principal escenariu d'esti conflictu.

ESTRANXEROS

Dalgunos de los rehenes pudieron llamar a la prensa y detallaron un escenariu de caos nel que, por exemplu, les salíes d'emerxencia continúen bloquiaes o dos cadavres taben xunto a la piscina. Otru de los testigos, un británicu, apuntó que los terroristes podíen tener como oxetivu a los estranxeros, puesto qu'a la so llegada al hotel entamaron a pidir pasaportes de Reinu Uníu y Estaos Uníos.

Amás de los españoles atrapaos pola cadena d'ataques, ente ellos una delegación de la Comunidá de Madrid, y un grupu d'eurodiputaos, abondos occidentales se vieron sorprendíos por ellos. Un testigu británicu que taba nel Taj señaló que los homes armaos, mozos y ""igual d'ente 20 a 25 años"" lu sorprendieron nel restaurante del hotel. Pela so parte, l'abogáu británicu Mark Abell declaró que s'escondiere na so habitación del hotel Oberoi dempués d'escuhar dos esplosiones.

Nel restaurante d'esti edificiu taba un español qu'esplicó a Reuters que vio ""una serie de tiroteos y muertes"". ""Arrastréme hasta la cocina y quedé llí, hasta que sentí que too taba tranquilu"", añadió. L'embaxador d'España na India, Ibon de la Riva, confirmó a TVE que tien constancia de que dos españoles taben ente los firíos pola sucesión d'ataques terroristes que sacudieron a Bombay. Ún d'ellos taba recibiendo atención quirúrxica."