L’asociación Furmientu solicita pal lleonés la declaración de Bien d’Interés Cultural

"L'asociación cultural Furmientu de Zamora ta acabante de presentar nel rexistru de la Xunta de Castiella y Lleón el documentu nel que se solicita la declaración de Bien d'Interés Cultural pal lleonés. L'oxetivu que pol que l'asociación nagua ye ""algamar el reconocimientu del lleonés como una espresión más de la riqueza cultural d'esta comunidá"".

Según Furmientu, ""en realidá esti procesu yá foi iniciáu, d'algún mou, pola propia Administración, pues nel artículu 5.2 del Estatutu d'Autonomía de Castiella y Lleón afita que'l lleonés será oxetu de protección específica por parte de les instituciones pol so particular valor dientro del patrimoniu llingüísticu de la Comunidá.

La so protección, usu y promoción serán oxetu de regulación"". Sicasí Furmientu pretende que'l testu qu'apaez nel estatutu se convierta nuna realidá bien llueu, y polo que pidi a l'administración fomentar ""l'empléu oral y escrite del lleonés na vida pública y privada, y a que tenga llugar una provisión de medios que permitan el so aprendizaxe, así como la promoción d'estudios y investigaciones sobre'l lleonés nes zonas ú ye llingua tradicional"". La redacción del informe qu'acompaña a la solicitú fíxola'l xurista Nicolás Bartolomé Pérez, miembru de Furmientu."