Créase’l Conceyu por Otra Función Pública n´Asturies

"Esti mes de payares constituyóse'l Conceyu por Otra Función Pública n´Asturies (COFPA). Esti conceyu ñaz, en palabres de los sos promotores, como ""una asociación abierta a tolos trabayadores pertenecientes a les estremaes Alministraciones Publiques asitiáes n´Asturies, cualquiera que seya la rellación de emplegu que tengan coles mesmes"", y tien como oxetivu ""defender un sistema de Función Pública tresparente y democráticu y pa sofitar y esparder un modelu de servicios públicos universal y solidariu que nun seya oxetu de negocios privaos"".

El Conceyu surde nun momentu nel que, según los sos miembros, ""el Gobiernu d'Álvarez Areces pretende afitar y enanchar dafechu'l sistema de función pública clientelista, güei instituyíu y sofitáu na confianza personal y nel control políticu del personal, pente medies d'una nueva Llei de la Función Pública Asturiana, de la que yá se conoz l'anteproyeutu, na que s'inxeren tolos preseos afayadizos pa degradar darréu los principios d'igualdá, méritu y capacidá nel accesu y na promoción profesional, y les condiciones de imparcialidá y oxetividá imprescindibles para cumplir cola obligación de servir exclusivamente a los intereses xenerales de los ciudadanos y ciudadanes"".

Esta nueva asociación cuenta col blog www.otrafuncionpublica.blogspot.com., nel que se puede atopar tola información relativa al COFPA."