Derrota del Sporting énte'l Betis

"L'escesu de confianza foi la clave nesta derrota d'un Sporting que nun supo guardar un marcador favorable y nel que l'individualismu paso perriba del xuegu n'equipu. Too ello énte un Betis que de mediu campu p'alantre amosó orden, bon xuegu y sobre too eficacia. Esta derrota de los asturianos asitia al equipu nel puestu decimuterceru de la tabla con 15 puntos.

Les coses nun entamaron mal pal Sporting, nunos primeros minutos nel que'l dominiu del balón foi equilibráu. Sicasí, fueron los xixoneses los que s'adelantaron nel marcador nel minutu 25 gracies a un balón mal rechazáu pol porteru béticu, dexándolo a los pies de Diego Castro que namás que tuvo que tocalu llixeramente.

A partir d'esi momentu'l Betis llanzóse al ataque, buscando un empate que nun llegaría hasta la segunda parte. Foi nel minutu 51 cuando Monzón marcó un golazu de tiru directu a más de trenta metros de la portería, asitiando'l balón na escuadra de Cuellar, que nun pudo facer nada. Ocho minutos depúes Emaná marcó'l gol de la victoria andaluza, tres una serie d'imprecisiones de la defensa sportinguista. A partir del segundu gol béticu los asturianos echáronse p'alantre, atacando con mas corazón que cabeza, y con un Betis que buscaba sentenciar a la contra. Sicasí, el marcador yá nun diba movese más.

Ficha técnica

Sporting: Cuéllar, Sastre, Gerard, Iván Hernández (Andreu m 78), Canella, Camacho, Matabuena, Luis Morán (Pedro m 59) Bilic, Diego Castro (Kike Mateo m 78) y Barral.

Betis: Casto, Nelson, Arzu, Juanito, Monzón, Mehmet Aurelio, Capi, Damiá, Emaná (Melli m 83), Juanma y Sergio García.

Goles: 1-0 Diego Castro (m 25), 1-1 Monzón (m 51), 1-2 Emaná (m 59)

Árbitru: Rodríguez Santiago. Sacó tarxetes amarielles a Arzu (m 9), Iván Hernández (m 18), Diego Castro (m 34), Matabuena (m 71), Gerard (m 84), Sergio García (m 86), Juanma (m 90)"