Los hospitales d'Avilés y Xixón entamen a notar el recorte de guardies méliques

"L'Hospital de San Agustán d'Avilés y el de Cabueñes de Xixón entamaron a notar el recorte de guardies méliques propuestu pola Conseyería de Salú y Servicios Sanitarios del Prinicpáu pa tolos centros hospitalarios asturianos, dientro d'una política de reorganización que tán aplicando les xerencies.

Según indicó'l presidente d'Atención Especializada del Sindicatu Mélicu Profesional d'Asturies (Simpa), Ángel Colmeiro, yá hai dellos servicios d'estos hospitales que sienten la baxada de les guardies.

N'Avilés hai reducción y cambios de guardies n'Anestesia y Uroloxía, ente otros servicios, mientres qu'en Xixón se producen reducciones de guardies de presencia física en Cardioloxía, apuntaron dende'l Simpa.

Sicasí, Colmeiro considera que la situación más preocupante ye la del Hospital Universitariu Central d'Asturies (HUCA), onde dende'l pasáu mes d'agostu reduxéronse guardies hasta en nueve servicios. Poro, el Simpa impugnó la reducción de guardies nel HUCA per vía alministrativa y nun descarta llegar a los tribunales.

Según Colmeiro, estes midíes se realizaron por prodecimientos ""non apropiaos"" puesto que tomó la decisión ensin contar cola Xunta Téunica Asistencial. Amás, calificó la midida de ""meramente economicista"", y ""contraria"" al bon serviciu de los centros hospitalarios.

N'especial, se refirió al HUCA, del que dixo qu'una de les principales diferencies con otros hospitales yera que disponía de mélicos de guardia de toles especializades. ""Van tresformar a un hospital de referencia nun hospital comarcal"", llamentó.

""Lo que tienen que facer ye cumplir la llei"", caltienen dende'l Simpa. Amás, el sindicatu calca en que si se producen problemes clínicos, por mor d'estes midíes, la responsabilidá recai na xerencia de los centros."